Centro médico homologado de Renfe Operadora

O centro médico de recoñecemento de persoal ferroviario de Renfe Operadora está homologado pola Axencia Estatal de Seguridade Ferroviaria ao abeiro do disposto na Orde FOM/2872/2010, do 5 de novembro pola que se determinan as condicións para a obtención dos títulos habilitantes que permiten o exercicio das funcións do persoal ferroviario relacionadas coa seguridade na circulación, así como o réxime dos centros homologados de formación e dos de recoñecemento médico do dito persoal.

Esta homologación faculta o centro para realizar as probas de avaliación para a obtención do certificado de aptitude psicofísica así como para a emisión do correspondente certificado, en relación coas licenzas de condución de vehículos ferroviarios, as habilitacións e certificados de persoal ferroviario, nos termos establecidos na citada orde.

Instrucións para a solicitude do recoñecemento psicofísico

Se desexa solicitar un recoñecemento psicofísico debe cubrir o:

• Neste formulario mostrarase a axenda do centro médico elixido cos días e horas dispoñibles: marcar á cita desexada.
  
• Efectuará o pago do importe do recoñecemento solicitado de acordo cos prezos que se mostran no punto de "Prezos".
• Deberá anexar xunto á solicitude: Copia do DNI e, se é o caso, o certificado emitido polo SEPE.

Prezos

O prezo do recoñecemento médico é de 299,20 IVE incluído.

En caso de atoparse en situación de desemprego (*) o prezo é de 239,80 IVE incluido.

(*)Para beneficiarse da dita redución será necesario presentar o correspondente certificado emitido polo Servizo Público de Emprego Estatal (SEPE).