Enxeñeiro de Camiños, Canais e Portos e Doutor en Infraestructuras dos Transportes pola Universidade Politécnica de Madrid (UPM). Ata o de agora, ostentaba o cargo de secretario xeral de Mobilidade Sostible do Ministerio.

Conta con máis de 20 anos de experiencia profesional no sector da mobilidade e o transporte e desenvolveu a súa actividade en consultoría, investigación e docencia universitaria, asumindo postos de xestión a distintos niveis.

Na Universidade, foi profesor de Planificación do Transporte e director do Máster Universitario en Enxeñaría de Camiños, Canais e Portos. Foi investigador no Centro de Investigación do Transporte, investigador invitado no Politécnico di Torino e profesor visitante na University of the West of England.

Na Administración pública, durante catro anos foi director xerente da Empresa Municipal de Transportes de Madrid (EMT) e, posteriormente, durante outros catro anos, director de Autobuses Urbanos de Valladolid (AUVASA). Ademais, é vogal do Consello Asesor do Ministerio de Transportes e Mobilidade Sostible de España, membro do Comité Europeo da Unión Internacional de Transporte Público e Vogal do Comité Executivo da Asociación de Transporte Urbano Colectivo.

Por último, sinalar que realizou máis de 30 publicacións en revistas científicas e libros relacionados coa mobilidade.

Doutor enxeñeiro en Xeodesia e Cartografía pola Universidade Politécnica de Valencia, enxeñeiro técnico en Topografía e máster en Liderado e Dirección Pública polo Instituto Nacional de Administración Pública e foi profesor asociado durante máis de vinte anos na Universidade de Alcalá e Politécnica de Madrid.

Tras unha primeira etapa profesional en Ferrovial ingresa na administración en 1998 como Enxeñeiro Xeógrafo no Instituto Xeográfico Nacional onde ocupou cargos de responsabilidade como xefe de Área de Cartografía (2005-2009), subdirector adxunto (2009-2017) e desde 2017 como subdirector xeral de Cartografía e Observación do Territorio. Foi vogal na Federación Europea de Enxeñeiros (2016-2023) e é membro da Comisión Técnica BIM do Ministerio de Transportes e Mobilidade Sostible e da Comisión Interministerial homónima, entre outros cargos de responsabilidade.

Enxeñeira de Camiños, Canais e Portos pola Universidade Politécnica de Madrid. Inizou a súa carreira profesional no sector privado como enxeñeira consultora en INYPSA (Informes e Proxectos, S.A.) en 1999. En 2001 traballou como enxeñeira investigadora no Centro de Estudos de Portos e Costas do CEDEX. En 2002 incorporouse ao corpo de enxeñeiros de Camiños, Canles e Portos do Estado, onde desempeñou os seguintes postos: Xefa de Servizo de Auscultación de Firmes e Pavimentos da Dirección Xeral de Estradas e Xefa de Área de Contratación e Orzamentos da Dirección Xeral de Transporte Terrestre no Ministerio de Fomento; Subdirectora de Planificación e Uso Sostible da Auga da Dirección Xeral da Auga, Responsable de Contratación e Orzamentos e Xefa de Área de Proxectos e Obras da Dirección Xeral de Sostibilidade da Costa e o Mar no Ministerio de Medio Ambiente e Vogal Asesora no gabinete do ministro do Ministerio de Transportes e Mobilidade Sostible, posto que ocupa desde 2018 ata a actualidade. É membro do consello de administración de INECO.

Licenciada en Economía pola Universidade de Barcelona, posgrao en Comercio Internacional pola Universitat Pompeu Fabra e Mestrado en Política Económica Europea pola London School of Economics.

Iniciou a súa carreira profesional na área de investimento estranxeira do CIDEM (Generalitat de Catalunya, 2002) e como responsable de comercio internacional na patronal da industria cárnica (FECIC, 2003-2004). Continúa a súa carreira en Bruxelas, onde foi coordinadora de política comercial multilateral na Dirección Xeral de Comercio da Comisión Europea (2005-2012) e directora de política comercial e asuntos internacionais na patronal europea da industria farmacéutica (EFPIA, 2013-2018).

Trasládase a Frankfurt, onde se incorpora á Goethe University Frankfurt como coordinadora de asuntos europeos e financeiros, posto que ocupa ata a data.

Enxeñeira e Doutora en Informática pola Universidade da Coruña. Actualmente é Vicedecana de Impacto Social e Innovación Académica e profesora e investigadora na UPF Barcelona School of Management (Universidade Pompeu Fabra), onde dirixe programas de posgrao en analítica de datos e intelixencia artificial.

Ao longo da súa traxectoria profesional traballou en institucións de prestixio internacional como Yahoo Labs, a Universidade de Glasgow ou o Centro Nacional de Investigación de Italia (CNR).

Desenvolveu a súa carreira combinando a investigación e a dirección académica coa asesoría estratéxica no ámbito da tecnoloxía, a innovación e a intelixencia artificial. Neste contexto, colaborou con organismos nacionais e internacionais —entre eles a Comisión Europea, a Presidencia do Goberno de España, a Fundación Hermes, a Xunta de Galicia, UNICEF e Ashoka— para impulsar proxectos e definir estratexias de adopción tecnolóxica responsable.

Enxeñeiro Industrial pola Escola de Enxeñeiros Industriais de Bilbao e Enxeñeiro Técnico pola Escola de Enxeñeiros Técnicos de Santander, Formación en Xestión Empresarial e Produción desempeñando os seguintes postos: Director xeral de Renfe Ingeniería y Mantenimiento (5,5 anos) e Conselleiro de LOGIRAIL. Director xeral de Irvia Mantemento Ferroviario (Empresa participada por Alstom e Renfe) (3,5 anos). Xerente de Área e Desenvolvemento de Negocios de Renfe Alquiler y Mantenimiento Ferroviario, S.M.E., S.A. (4 anos). Director de Servizos de Mercadorías e Loxística en RENFE Ingeniería y Mantenimiento, S.M.E., S.A. e Conselleiro das sociedades Btren Mantenimiento Ferroviario, S.A. e Erion Mantenimiento Ferroviario, S.A. Director de Material de Renfe Mercadorías e Loxística (4 anos). Director de Material de Servizos de Larga Distancia (4 anos). Xerente de Reparación de Trens e Compoñentes do Obradoiro Central de Valladolid (11 anos).

É un executivo de dirección e consultoría con máis de 20 anos de experiencia en transformación de negocios. Combinou roles en comités executivos de grandes corporacións co de socio en consultoras internacionais, liderando programas de cambio en Europa, Brasil, América Latina e Oriente Medio.

A súa traxectoria inclúe postos de alta dirección como Chief Transformation Officer en Noatum (parte de Abu Dhabi Ports Group) e Executive Consulting Partner en firmas líderes como IBM Consulting e PwC.

Xestionou P&L e impulsou iniciativas estratéxicas en grandes compañías nos sectores de viaxes e transporte, loxística, banca, retail e seguros. Posúe unha sólida experiencia como parte de comités executivos, reportando ao CEO. Liderou tanto Transformacións Dixitais como múltiples funcións corporativas (IT, RRHH, Marketing, etc.), e foi responsable da integración posterior á adquisición de empresas dentro de grandes estratexias de crecemento inorgánico. Dirixiu proxectos transformadores para mellorar a eficiencia e o crecemento, utilizando a tecnoloxía, os datos e a xestión do cambio como facilitadores clave.

Cunha sólida traxectoria internacional, viviu en Brasil, EE. UU. e Bélxica. É Enxeñeiro de Camiños pola Universidade Politécnica de Madrid, e master no IESE Business School, e fala con fluidez inglés, francés e portugués.

Licenciado en Dereito e Económicas pola Universidade Pontificia Comillas, ICADE E-3 (1970 – 1976) e Grao en Filosofía pola Universidade Complutense de Madrid (2018 – 2023).

Comezou a súa traxectoria profesional no Banco Urquijo (1976 – 1984). Foi parte de Construcións Aeronáuticas desempeñando os postos de Subdirector e de Director Postvenda (1984-2000). No ano 2000 foi designado Senior Vice President Comercial da División de Avións Militares en EADS e en 2010 nomeóuselle Senior Vice President Comercial, Asia e Oceanía en EADS/AIRBUS posto que desempeñou en Singapur ata 2016.

Licenciado en Dereito pola Universidade de Barcelona. 

Conta con 20 anos de servizo como avogado do Estado, onde desempeñou funcións na Avogacía do Estado de Barcelona (2004-2009), no Ministerio de Fomento (hoxe Transportes e Mobilidade Sostible) e na Audiencia Nacional. Exerceu como director da Asesoría Xurídica e, posteriormente como secretario do Consello da Comisión Nacional dos Mercados e a Competencia (2013-2021). No 2022 incorporouse no FROB, onde desempeñou as funcións de director xurídico da Autoridade de Resolución Executiva.

Licenciada en Dereito Xurídico Comunitario pola Universidade San Pablo CEU e diplomada en Estudos Xurídicos e Económicos da Unión Europea pola Universidade da Sorbona (París 1). Así mesmo, conta cun máster en estudos xurídicos empresariais polo Centro de Estudos Garrigues.

Inizou a súa carreira profesional no ámbito privado, traballando en despachos de avogados e posteriormente como avogado en materia mercantil en Gas Natural.

En xullo de 2006 incorporouse a Renfe Operadora, onde foi desempeñando distintos postos como avogado na Secretaría xeral e do Consello de Administración na área xurídico-mercantil e de operacións societarias.

Actualmente ocupa o cargo de directora de asesoría xurídica de empresas filiais e proxectos internacionais, desempeñando ademais funcións de Secretaría e Vicesecretaría en diversas sociedades do Grupo Renfe e nas súas empresas participadas.