Enxeñeiro de Camiños, Canais e Portos e Doutor en Infraestructuras dos Transportes pola Universidade Politécnica de Madrid (UPM). Ata o de agora, ostentaba o cargo de secretario xeral de Mobilidade Sostible do Ministerio.

Conta con máis de 20 anos de experiencia profesional no sector da mobilidade e o transporte e desenvolveu a súa actividade en consultoría, investigación e docencia universitaria, asumindo postos de xestión a distintos niveis.

Na Universidade, foi profesor de Planificación do Transporte e director do Máster Universitario en Enxeñaría de Camiños, Canais e Portos. Foi investigador no Centro de Investigación do Transporte, investigador invitado no Politécnico di Torino e profesor visitante na University of the West of England.

Na Administración pública, durante catro anos foi director xerente da Empresa Municipal de Transportes de Madrid (EMT) e, posteriormente, durante outros catro anos, director de Autobuses Urbanos de Valladolid (AUVASA). Ademais, é vogal do Consello Asesor do Ministerio de Transportes e Mobilidade Sostible de España, membro do Comité Europeo da Unión Internacional de Transporte Público e Vogal do Comité Executivo da Asociación de Transporte Urbano Colectivo.

Por último, sinalar que realizou máis de 30 publicacións en revistas científicas e libros relacionados coa mobilidade.

Doutor Enxeñeiro técnico superior de Camiños, Canais e Portos pola Universidade Politécnica de Madrid.

Inizou a súa traxectoria profesional no sector privado na empresa TEMA Grupo Consultor onde estivo 9 anos. En 2007 incorporouse ao organismo público Portos do Estado onde desempeñou os seguintes postos: Xefe do departamento de desenvolvemento tecnolóxico e normativo (1997-2000), xefe da área de loxística e intermodalidade (2000-04), subdirector de relacións externas (2004-07), director técnico e de planificación e desenvolvemento (2007-21) e presidente (2021-25).

Actualmente é subdirector de estratexia e desenvolvemento de negocio dese mesmo organismo.

Foi presidente de Porto seco de Madrid Coslada (2021-25) e da empresa Conte Rail (2010-15), así como membro vogal da sociedade pública de salvamento marítimo SASEMAR (2021-25) e membro vogal das Autoridades portuarias de Marín e Ría de Pontevedra, Cartagena e Bahía de Algeciras (2000-18). Actualmente é membro do Consello de Administración da Autoridade Portuaria das Palmas.

Doutor en Comunicación e Relacións Internacionais pola Universidade Ramon Llull e licenciado en Dereito pola Universidade de Xirona.

Iniciou a súa traxectoria profesional no sector privado como avogado. Posteriormente foi xefe de relacións institucionais da Axencia Catalana da Auga (1998-2000). Foi elixido senador por Xirona (2000-2004) e posteriormente deputado a Cortes Xerais (2004-2019) onde foi presidente das comisións de cooperación ao Desenvolvemento e de Políticas Integrais da Discapacidade. Foi membro da Asemblea Parlamentaria do Consello de Europa (2008-2019) e do Comité de Elección de Xuíces da Corte Europea de Dereitos Humanos (2013-2019).

Actualmente é consultor e profesor universitario de relacións internacionais. É membro do consello de administración de Ebro Foods S.A.

Enxeñeiro de Camiños, Canais e Portos pola Universidade Politécnica de Madrid.

A maior parte da súa carreira profesional desenvolveuse no actual Ministerio de Transportes e Mobilidade Sostible, vinculado á planificación de Infraestruturas ferroviarias, ocupando cargos de técnico superior, xefe de área e de coordinador da Subdirección Xeral de Planificación Ferroviaria. En 2020 é nomeado Subdirector Xeral de Avaliación e Normativa Ferroviaria, cargo que desempeña actualmente. Así mesmo, foi Director Adxunto da Agrupación Europea de Interese Económico Sur Europa Atlántico Vitoria-Dax.

Funcionaria, perito mercantil colexiada de Honor do Colexio de Titulares Mercantís e Empresariais de Lleida.

Vogal asesora e directora xeral do Gabinete do ministro de Relacións coas Cortes e do Secretariado do Goberno (1986-1993).

Vogal asesora do Gabinete da Presidencia do Goberno (1993-1996).

Foi Deputada por Lleida polo Partit dels Socialistes de Catalunya PSC nas lexislaturas II, VI, VII, VIII, IX e X, formando parte de diversas comisións e da Deputación Permanente.

Na IX Lexislatura foi elixida Vicepresidenta Primeira do Congreso dos Deputados e Presidenta do Consello Reitor de Cooperación e Aula Parlamentaria e na X Lexislatura foi elixida Secretaria Terceira do Congreso dos Deputados e Membro do Consello Reitor de Cooperación e Aula Parlamentaria. Ademais, na VIII e IX Lexislatura foi presidenta da Delegación Española na Asemblea da Unión interparlamentaria.

Delegada do Goberno na Comunidade Autónoma de Cataluña polo Real Decreto 455/2018, do 18 de xuño de 2018, cargo que ocupou ata xaneiro de 2022.

Licenciada en Economía pola Universidade de Barcelona e Máster en Economía Aplicada pola Universidade Pompeu Fabra.

Iniciou a súa carreira profesional na Generalitat de Catalunya e en 1999 incorporouse á Cámara de Comercio de Barcelona, onde ocupa o cargo de directora de Análise Económica e Directora do Observatori Dona, Empresa e Economia. Tamén exerce de profesora no departamento de Economía Aplicada da Universidade Autónoma de Barcelona, é presidenta da Comisión de Economía Industrial do Colexio de Economistas de Cataluña e membro do Consello Asesor para a Reforma da Administración pública da Generalitat de Cataluña.

Autora de múltiples estudos sobre economía, industria e innovación, xénero e políticas públicas. É membro do Comité editorial de El Periódico e escribe regularmente en varios medios de comunicación.

Licenciado en dereito pola Universidade do País Vasco.

Foi concelleiro no Concello de Eibar desde 1983 ata 1993. Desde 1991 ata 1993 foi membro do Parlamento Vasco. Desde 1993 ata 2008 foi alcalde de Eibar.

En 2009 pasou a formar parte do Goberno Vasco, onde exerceu os seguintes postos ata 2012: Conselleiro de Vivenda, Obras Públicas e Transportes, presidente do Ente Público Rede Ferroviaria Vasca – Euskal TrenbideSarea e Presidente Eusko Trenbideak – Ferrocarrís Vascos.

De 2016 a 2020 ocupou os seguintes postos en Goberno Vasco: Conselleiro de Medio Ambiente, Planificación Territorial e Vivenda, presidente Consello Vasco para a Promoción da Accesibilidade, Membro da Xunta Directiva da Axencia Vasca de Innovación, Innobasque e foi Vocal da Autoridade Portuaria de Pasaia.

Desde 2020 a 2024 ocupou os seguintes postos en Goberno Vasco: Conselleiro de Planificación Territorial, Vivenda e Transportes, Presidente Ente Público Rede Ferroviaria Vasca – Euskal TrenbideSarea, Presidente Eusko Trenbideak – Ferrocarrís Vascos, Presidente do Consello Vasco para a Promoción da Accesibilidade, presidente da Autoridade do Transporte de Euskadi, Vicepresidente 2.º de Alta Velocidade Vitoria-GasteizkoAbiaduraHandia S.A, membro Vocal da Conferencia Nacional de Transportes, Membro da Xunta Directiva da Axencia Vasca de Innovación, Innobasque e Vocal no Consello Vasco de Ciencia, Tecnoloxía e Innovación.

Arquitecta e alta directiva con máis de 15 anos de experiencia en liderado estratéxico, gobernanza corporativa e xestión de grandes organizacións públicas e privadas vinculadas á mobilidade, a loxística e as infraestruturas. Xestionou orzamentos superiores a 100 millóns de euros, liderando investimentos acumulados de máis de 500 millóns mediante a administración de fondos propios e a captación de financiamento europeo.

Conta cunha sólida traxectoria en consellos de administración —incluíndo as sete autoridades portuarias de Andalucía— con responsabilidade directa na aprobación de investimentos, supervisión financeira, avaliación de riscos e definición de estratexias de crecemento sustenible. A súa experiencia combina dirección executiva, planificación territorial, accesibilidade universal e xestión de infraestruturas portuarias, loxísticas, ferroviarias e de mobilidade urbana.

Desempeñou cargos de máxima responsabilidade como directora xeral da Axencia Pública de Portos de Andalucía e Conselleira Delegada da Rede Loxística de Andalucía, liderando equipos de ata 750 persoas e xestionando activos estratéxicos para a economía andaluza. O seu perfil caracterízase por unha capacidade excepcional para a negociación con stakeholders, a dirección de alianzas público-privadas e a implementación de modelos de gobernanza e expansión a escala nacional e internacional.

Ademais, posúe un forte compromiso social, destacado con premios europeos e nacionais, e unha traxectoria de máis dunha década en proxectos de accesibilidade, inclusión e responsabilidade social.

Licenciado en Dereito pola Universidade de Barcelona. 

Conta con 20 anos de servizo como avogado do Estado, onde desempeñou funcións na Avogacía do Estado de Barcelona (2004-2009), no Ministerio de Fomento (hoxe Transportes e Mobilidade Sostible) e na Audiencia Nacional. Exerceu como director da Asesoría Xurídica e, posteriormente como secretario do Consello da Comisión Nacional dos Mercados e a Competencia (2013-2021). No 2022 incorporouse no FROB, onde desempeñou as funcións de director xurídico da Autoridade de Resolución Executiva.

Licenciada en Dereito Xurídico Comunitario pola Universidade San Pablo CEU e diplomada en Estudos Xurídicos e Económicos da Unión Europea pola Universidade da Sorbona (París 1). Así mesmo, conta cun máster en estudos xurídicos empresariais polo Centro de Estudos Garrigues.

Inizou a súa carreira profesional no ámbito privado, traballando en despachos de avogados e posteriormente como avogado en materia mercantil en Gas Natural.

En xullo de 2006 incorporouse a Renfe Operadora, onde foi desempeñando distintos postos como avogado na Secretaría xeral e do Consello de Administración na área xurídico-mercantil e de operacións societarias.

Actualmente ocupa o cargo de directora de asesoría xurídica de empresas filiais e proxectos internacionais, desempeñando ademais funcións de Secretaría e Vicesecretaría en diversas sociedades do Grupo Renfe e nas súas empresas participadas.