O presente documento ten como obxectivo describir a metodoloxía aplicada na elaboración dos datos que figuran no Informe Mensual de Puntualidade dos Servizos AVE, Larga Distancia, Media Distancia e Cercanías que se publica en https://grupo.renfe.com/es/es con carácter mensual.

Todos os indicadores de Puntualidade obtéñense do sistema de información INVia, propiedade de Renfe Viajeros S.M.E.

O indicador de Viaxeiros, dispoñible nos Informes de Cercanías, obtense dos sistemas ARION (Controis de acceso), SIVER (Sistema de venda) e RS3 (Sistema de cámaras de seguridade en estacións).

Criterios aplicados á selección de trens

Para o cálculo dos indicadores de puntualidade, só se seleccionan aqueles trens que circularon. Por tanto, os trens suprimidos non forman parte do cálculo.

Excluíronse do cálculo os trens especiais, aqueles fóra do Plan de Transporte programado e aqueles realizados con servizo de autobús.

Do mesmo modo, exclúense os trens históricos, turísticos e temáticos, xa que responden a unha operativa distinta á do servizo comercial e poderían introducir sesgos nos indicadores de puntualidade.

Indicadores de Puntualidade

Atraso medio (circulacións con demora)

Obténse exclusivamente a partir das circulacións que chegaron con demora ao seu destino, excluíndo deste cálculo tanto os trens puntuais como os adiantados. O obxectivo deste indicador é medir a magnitude real das demoras naqueles casos en que efectivamente se produciron.

Atraso medio (circulacións totais)

Obtense tendo en conta tódalas circulacións, incluíndo as puntuais, as adiantadas e as atrasadas. Este valor reflicte con maior fidelidade a experiencia global dos viaxeiros no conxunto da operación.

Puntualidade

O indicador de puntualidade constitúe un dos principais elementos de seguimento, sendo a porcentaxe de trens que chegan a destino dentro de diferentes limiares de atraso. A puntualidade calcúlase con 4 intervalos: chegadas con atraso inferior a 5, 15, 30 e 60 minutos.

Este esquema escalonado permite analizar tanto o nivel de cumprimento máis estrito (trens que chegan con menos de cinco minutos de atraso) como a tolerancia en horizontes máis amplos, que son relevantes para valorar a xestión global do tráfico e o impacto sobre os viaxeiros.

• Puntualidade «Causa Renfe»: Defínese como a porcentaxe de trens que chegan ao seu destino cun atraso inferior a 5 minutos, considerando unicamente as incidencias atribuíbles directamente a Renfe. Estas causas poden incluír problemas relacionados co material rodante ou a xestión operativa.
  Neste cálculo exclúense as incidencias externas así como todas aquelas incidencias relacionadas coa infraestrutura, as condicións atmosféricas, as causadas por outros operadores ou calquera outra allea a Renfe.
• Puntualidade «Todas as causas»: Defínese como a porcentaxe de trens que chegan ao seu destino cun atraso inferior a 5 minutos, considerando todas as posibles causas de atraso. Isto inclúe tanto as incidencias atribuíbles a Renfe (fallos no material rodante ou xestión operativa) como aquelas alleas ao operador, tales como problemas na infraestrutura (limitacións temporais de velocidade, avarías nas vías, sinais e enclavamentos), condicións atmosféricas adversas (chuvias intensas, neve, vento, etc.), incidencias causadas por outros operadores e causas externas (como accidentes, actos vandálicos, entre outros).
  
  

Regularidade (*)

O indicador analiza a frecuencia de paso dunha circulación en cada estación do percorrido e tramo horario respecto da circulación anterior.

Cumprimento horario (*)

Obténse mediante a análise, para cada circulación, da desviación que se pode producir entre a hora programada e a hora de chegada real en cada estación do percorrido. Considérase unha circulación con cumprimento horario se a desviación é ≤ 3 minutos.

Cumprimento do servizo (*)

Mostra a relación entre circulacións realizadas e circulacións programadas, considerando no cálculo as circulacións canceladas ou suprimidas.

(*) Só figuran nos informes de puntualidade dos núcleos de cercanías.