A entidade pública empresarial Renfe-Operadora é un organismo público dos previstos no artigo 103 da Lei 40/2015, do 1 de outubro, de Réxime Xurídico do Sector Público, que se atopa adscrito ao Ministerio de Fomento.
Renfe-Operadora ten personalidade xurídica propia e diferenciada da do Estado, plena capacidade xurídica e de obrar para o cumprimento dos seus fins, patrimonio e tesouraría propios, nos termos establecidos na disposición adicional terceira da Lei 38/2015, do 1 de outubro de 2015, do sector ferroviario e nos termos establecidos no seu propio estatuto, aprobado polo Real Decreto 2396/2004, do 30 de decembro (BOE do 31 de decembro).
O grupo Renfe e as súas sociedades apóianse sobre cinco eixes de actividade: transporte de viaxeiros e comercialización de produtos asociados en contornos metropolitanos, rexionais, nacionais e internacionais (Renfe Viajeros, S.A.), transporte de mercadorías e servizos loxísticos (Renfe Mercancías, S.A.), mantemento e traballo industrial (Ingeniería y Mantenimiento, S.A.) e xestión de material rodante a disposición do mercado (Renfe Alquiler de Material Ferroviario, S.A.) e Renfe Proxectos Internacionais.