Actualmente en España a industria automobilística supón un dos piares máis importantes da economía, xa que é un dos principais fabricantes de automóbiles de Europa e do mundo.
Consideramos que é esencial para esta actividade económica contar cun tecido loxístico e de transporte eficiente, sobre todo para este tipo de factorías nas que se traballa coa entrega "just in time" como un dos seus valores imprescindibles.
En Pecovasa Renfe Mercancías realizamos o transporte de automóbiles tanto no ámbito nacional como internacional, colaboramos coas principais compañías do sector, que permite darlles un servizo integral aos fabricantes, atendendo as súas necesidades, xa sexa a través de portos, campas interiores ou pasos fronteirizos.
Pecovasa realiza o transporte de vehículos por ferrocarril por toda a xeografía española.
Conecta as fábricas de automoción con portos e con centros loxísticos de distribución.
Ademais, realiza transportes internacionais a países europeos dando servizo ás necesidades do cliente.
Pecovasa Renfe Mercancías, á parte do seu propio sistema informático Navisión, traballa conforme as especificacións informáticas que cada cliente demanda.
Isto permite ter un intercambio total de información con cada cliente, tanto no ámbito de produción e facturación como na loxística de tráficos e campas.